Share full page

歡迎! Welcome!

在2023年的秋冬,我們與VNS Health Chinatown NNORC一起,和我們10+位風趣幽默的華人長者一起在每週二下午聊天吹水~我們認識了彼此名字背後的故事、分享喜歡的歌和對我們有特別意義的食物和照片、分享為自己感到驕傲的高光時刻、感謝自己和別人的時刻、影響了我們一生的決定... 分享讓我們靠得更近,也歡迎你來翻開我們人生故事的一頁!這一刻感恩有你! In the fall and winter of 2023, Life Story Club, in collaboration with VNS Health Chinatown NNORC, spent every Tuesday afternoon in delightful conversations with over 10 witty and humorous Chinese seniors. We delved into the stories behind each other's names, shared our favorite songs that hold special significance to us, and savored memories of food and photos that matter to us. We celebrated our proudest moments, expressed gratitude for ourselves and others, and shared life-altering decisions... Our stories brought us closer, and we warmly invite you to turn a page in the book of our life stories!

View In English 🇺🇸

烏龍王入籍記

寶玉 Po Yuk. K

入籍個陣時個個都好辛苦啊我都係嘎ok?唔係話啊你識講個幾句就ok,你要識個啲歷史啊知道嘛 (龍友:係啊,有100條,你唔知道佢俾邊十條你啊)你唔知佢問邊條啊嘛!(龍友:咁先至慘啊,你一百條都要識㗎真係啊...)

係啊!個陣時我入籍呢,我請左律師啊ok?請左嗰老番律師(一起)去啊ok。咁去到呢佢都有提下我嘎。個人(考官)嗌我數,數五個總統出來啦咁。數數下我都唔記得左(龍友:咁你咪數埋自己咯哈哈)哈哈哈.. 自己一捋(害怕)呢,就唔記得左了,收尾嗰律師就咁講,佢話:“第一屆總統係邊個啊?”我一醒,醒起係George Washington啦喂...咁一講,個人就:“okokok“,咁就又叫我寫幾句英文咯ok?(佢叫我)寫個幾句英文又好淺(簡單)嘎咋:I have a big house. 咁你話幾淺啦係未?Easy啦!咁我寫左,佢話:“ok啦!點解你講講下又唔識講㗎?”我話:“I’m nervous,ok?” 我就咁講俾佢聽了,佢話:“Dont’ worry, don’t worry” 唉你講don't worry啫,我自己驚啊嘛係未咁講啊喂?

真係好驚㗎去到個度。一問到我都成個責一責(停一停)的ok?我都去左幾次廁所啊,我係度等入籍個時。 個律師一咪:“relax,relax”。(我心唸:)你坐我隔離緊係咁講啦係未?但係我唔係幾識㗎嘛係未?我驚佢一抽抽中我呢,我自己都好捋(害怕)啊,我都好捋㗎ok。

(龍友:其實律師係冇用㗎,佢唔會有咩提點你的。)唔係!佢最後都係提下我。佢一問到總統個度,我真係停一停㗎ok?咁我唔記得左了,佢叫我數五個總統出來哇。數數下都唔記得左(龍友:唔夠你未數埋自己咯)。收尾佢話:“第一任總統係邊個啊”咁我就醒起啦。咁就快啲答左佢啦ok?咁跟住呢,佢就一路咁問我(即係填上去紙個啲咯)佢一路問我一路答咁咯。

佢話你唔洗驚㗎ok?我問你你答得都幾好㗎ok?咁因為我讀識曬個啲我謹係曉啦係未?咁你順著落,我又係屋企順著睇過,我又去考過試㗎哇去個律師樓係嘛?考過我先去㗎ok?。哇,學我阿媽話齋,好似考狀元咁啊。我媽成日都話考狀元(咁難)。你話死嘛?我自己都好捋(害怕)㗎ok?

我有次仲烏龍啊。我臨去入籍個陣時啦喂,我記錯左日子啊。本來10號去考㗎啦,我講俾屋企人聽我話17號咁。後尾我阿媽話:“好似唔係喔阿bo,你講錯左了喔”。我話:“係係係係係(17號)!”咁。 (結果)個律師係移民局度等我啊去到,佢話點解唔見左我,就打返去office穩我。律师話:“點解唔見左個PoYuk來㗎”(電話裡的人)佢話:“冇來咩?”(律師)佢話:“冇啊”。收尾(律師office的人)就打電話來問我,我話:“唔係!個律師記錯左我話”(龍友:哈哈哈頸硬啊你)...”你自己(宜家)係屋企!”咁我話:“點算啊”,咁佢話:“冇辦法啦,改期咯ok?”(龍友:哦,有得俾你改期咪好咯~好多你唔來到當你棄填啊)

我阿媽咪話咯:“(通知)寄來左了,我聽你講過啫,你又唔俾我地睇!”我唸著我自己睇過就冇錯啦,點知道就係錯左。真係懵醒醒(傻呼呼),我做人就係咁就咁就過左幾廿年了真係。懵醒醒咁就過左幾十年了

入籍個陣時個個都好辛苦啊我都係嘎ok?唔係話啊你識講個幾句就ok,你要識個啲歷史啊知道嘛 (龍友:係啊,有100條,你唔知道佢俾邊十條你啊)?...

↓ View Full Story ↓ 查看完整故事 ↓ Ver Historia Completa
0:00
/
View In English 🇺🇸

我的入籍故事

KaiYan 龍友

我就記得呢,個陣時係17年。因為個陣時啊Donald Trump上任,你唔係公民就唔可以領乜乜補助,所以就逼著我要去中華公所那裡填表。點知去到個度填表那個人,就是我做(工)那個阿婆個女。佢話:“你來尼度做咩啊?”。我就講佢聽咯。因為佢(每個星期)有一日幫人地填表申請入籍的嘛。冇辦法啦(當時還不能做中文入籍考試),就填啦。

填好曬個表,就寄...填好個表之後我冇寄去㗎,(隔了)十幾日先寄去。那寄出去之後冇幾耐佢就寄封信翻來俾我,咁又去打埋指模了喔。打完指模之後我個女話:“阿媽,你做咩仲唔去穩學校上課?”..那我就自己傻下傻下就走去麥街98號個度,睇下:咦,又有3樓又有6樓..哎呀,乜都好啦,直上6樓先啦。

咁(信息部的人)佢睇我個表,佢話:“哎呀!你做咩宜家先來啊?你已經打了指模了喔,你宜家先來?”... 咁個陣時冇辦法了,硬著頭皮都要去啦係嘛~死咯,個陣時候一邊做工一邊(上課)...一唔洗做工個日就要去上課,即係一朝頭早做工,下晝又要去上課咁。

(上課的時候)一開頭,真係尷尬到死。(老師)佢一開頭問我叫乜名,我緊識講啦係嘛?結果我仲串埋俾佢聽(告訴他拼法)。哇(結果)佢鬧鬼我,意思即係話:我都冇問你點串(拼)...個陣時你知呢,唔係個個老師都咁好態度的嘛。個個(老師)真係好麻煩,郁啲(動不動就)就好大聲。

我(本來)想不去的了,結果後來有個人呢,係福州人來的,香港來的,ta又識講廣東話。佢就靜靜雞,有陣時提問我唔識答,佢就靜靜雞講我聽。後面我就同佢講話我真係想唔學了、我想走了。佢就話:“唔好走啦,唔好走啦!你學就得㗎啦,因為我地都已經學左好耐啦,咁我地都係咁樣咋嘛~” 佢就話:“你唔好走啊,你有乜(需要)我俾你,乜問答題,我俾你抄(答案),咁你咪可以翻去讀佢咯”。

個陣時就逼死翻來(家裡)拗拗拗..一得閒又自己係度讀,讀完一輪之後又(繼續)...嗰啲歷史題又要寫喔,哎呀你話死唔死。哎講起來都真係,好慘的哈哈。咁冇辦法了,就用我孫嗰啲作業紙呢,好多背面係白色的嘛。然後我老公就幫我間好(撕成規整的形狀)曬,然後及住(訂起來),好似一個簿咁樣。咁就默,一百條歷史題...哎呀,唸住個陣時真係辛苦到死。

臨考試之前呢,好在仲,有陣時問下個女,有陣時自己關埋度門咁聽聽聽...咁後面個老師就問,個陣時我都答得幾順的!佢就同人講就話:“哇阿燕好定喔!”.. 我就話:哈?我話:“我唔定啊,我個心真係唔定啊哈哈哈”

至到考試個日,我真係好驚的..點解咁講:因為又啲人話一個西班牙人、一個黑人,好麻煩,專門就針對中國人的..佢地信息部的人緊係建議你穩律師咁啦。咁冇辦法啦,因為我冇(在信息部)填表,慳翻個百幾文啊嘛,就算啦,請就請啦~其實律師係幫唔到你㗎嘛。佢唔出得聲的,唔準講的嘛。

考試個日呢,我(見到)係個黑人都幾驚青的,佢係個女人來㗎。我就講俾個律師聽我好緊張。個律師後尾做手勢,即係叫我唔好緊張、唔好緊張咁樣...考完之後出來,都唔知道自己考唔考到㗎...後來出左來之後,個個老師同埋我一齊,佢話:“哎呀恭喜你啊~得左啦!”我(驚訝)話:“哈?真定假㗎!?”佢話“係啊!”

哎呀,你話死唔死真係..你知道啦我地個陣時就讀過6年書,邊識㗎英文..真係佢識我我唔識佢㗎嘛!真係覺得,(通過了)真係好鬼開心!

我就記得呢,個陣時係17年。因為個陣時啊Donald Trump上任,你唔係公民就唔可以領乜乜補助,所以就逼著我要去中華公所那裡填表。點知去到個度填?...

↓ View Full Story ↓ 查看完整故事 ↓ Ver Historia Completa
0:00
/
View In English 🇺🇸

一剎那的緣份

Karen. W

好像年頭那時候呢。我就成日..有啲嘢呢,就好得意囉,又觉得好奇妙囉。

因為心情唔係咁好呢,咁我就行出去,成日..即係點呀?行出去散步囉,咁我有時呢成九點幾十點鐘呢, 夜晚, 我一個人傻下傻下咁嘅樣,就行出去散步。因為瞓唔着,無辦法要解決個問題。 咁就其中呢有一個,可能是住在附近的。有個人呢,從來我都無留意過佢。大家都係有返咁上下 年紀架啦。見我成日,我就無留意佢,但佢呢就見我呢,一個人呢...因為我自己本身就跛左隻 腳啦,隻腳唔係咁好啦。 行起路來拿拐杖啦。可能佢見我成日響屋企嗰度附近行來行去,行來行去,夜晚多咩嘢? 有時我傻起上來呢,有少少落雨呀,我都係好似照頭淋咁樣。 

咁佢有好多次呢,佢就話:阿嬤啊,你做咩嘢,咁夜你仲唔返屋企呀?我就覺得佢:哈?我都、唔識你的,你使乜嗌我做阿嬤。不過我眼望一下佢喔,我就行啦。(結果)佢話:好夜啦,你應該返去屋企啦,呢度而家唔係咁安全架..你仲行..天黑咯,如果有啲乜野,有啲人呢,行過嚇親你就唔抵啦...(如果)俾啲神經佬,俾人打一錘,就抵啦。你快啲翻屋企啦。

啊咁我又覺得佢幾好心。咁好啦,咁既然你咁講,同我行。佢唔係淨係佢一個,因為我行到街頭 呀,或者街尾啊,佢(陪我)行翻去係我門口個度喔。

咁我話,我心話齋:唔係啊嘛,你跟到我翻門口。

咁我望下佢,佢話:你到步未啊。

我話:到了。

佢問我:你住幾多樓啊。

我仲驚死佢跟著我啊,我話:我住最頂個層啊。

結果佢話:咁你只腳咁樣你點上?

我話:得㗎啦,我自己會翻上去。我話我自己會翻上去㗎啦。

(佢話)你好聲啦,你唔好成日出來了。

我聽見佢話我成日出來,我擰翻轉頭,我話:你成日見到我㗎咩?!

(佢話)係...我又出來食煙,我就行,不過我見你一個人成日行來行去。

我話:你當我癲㗎?,我問翻佢:你當我癲㗎?我都唔知幾正常

佢又真係好好心,佢有時候呢,聽見我個次講過之後呢,咁佢有時候見到我又行的時候呢,夜呢,佢唔會送我到門口啦,只不過響個對面睇住我入門口。佢睇住我係入面入門口。咁佢呢,有時候我間唔中見到佢呢,佢就話:因為宜家尼度啲人呢,即係尼條街尼啲人呢,壞人好多啊。佢話你只腳又走得唔方便,咁你唔係咁安全。

不過我唔知道佢姓乜名乜,我只係見到佢個樣。係啊真係覺得個一刻呢,你自己本身聽見佢咁樣講㗎時候呢,你真係會覺得:咦?佢唔係個衰人喔。翻來唸下,又係覺得幾好喔,咁咯

他送我一程,我念他一生。

好像年頭那時候呢。我就成日..有啲嘢呢,就好得意囉,又觉得好奇妙囉。 因為心情唔係咁好呢,咁我就行出去,成日..即係點呀?行出去散步囉,?...

↓ View Full Story ↓ 查看完整故事 ↓ Ver Historia Completa
0:00
/
SMS
Email
Copy
SMS Email
Copy

Download the Free Story Prompt Cards

Enter your information below for instant download

Newsletter Signup

Sign up for our monthly email newsletter to stay up to date with our work and upcoming events!